Dopty hokkeı: «Aqjaıyq» kósh bastaýshy komandaǵa ese jiberdi
ORAL. QazAqparat – Dopty hokkeıden joǵary lıga komandalary arasynda búkilreseılik jarysta Oraldyń «Aqjaıyǵy» Votkınskide jergilikti «Znamıa-Ýdmýrtııa» komandasymen eki oıyn ótkizdi, dep habarlaıdy QazAqparat tilshisi.
«Znamıa-Ýdmýrtııa» – úshinshi topta jekedara kósh bastap kele jatqan klýb.
15 aqpan kúni aıdyn ıeleri «Aqjaıyqty» 6:1 esebimen qapy qaldyrdy. Munda qonaqtardan reseılik surmergen Maksım Pahomov qana gol soǵyp, kózge túse aldy.
Sársenbi kúngi kezdesý áldeqaıda tartysty ótti. Birinshi taımda oraldyqtar birneshe ret tarazy basyn teńestirip, qarsylyq tanytty. Degenmen «Znamıa-Ýdmýrtııa» 7:4 esebimen jeńiske jetti.
«Aqjaıyq» sapynda reseılik Sergeı Bashaev eki goldyń avtory atansa, Pavel Chebakov pen M.Pahomov qarsylastyń qaqpasyna bir-birden dop engizdi.
Endi Nıkolaı Shavaldınniń shákirtteri 19-20 aqpan kúnderi Ýfada týrnır kestesinde ekinshi orynda kele jatqan «Kırovets» komandasymen oınaıdy.
Eske sala keteıik, budan buryn «Aqjaıyqtyń» «SKA-Sverdlovsk» komandasyn ekinshi ret utqanyn jazǵan bolatynbyz.
