Dopty hokkeı: «Aqjaıyq» «Kırovets» komandasynan utylyp qaldy

ORAL. QazAqparat – Dopty hokkeıden joǵary lıga komandalary arasynda búkilreseılik jarysta óner kórsetetin Oraldyń «Aqjaıyǵy» kezekti oıyndaryn Ýfada jergilikti «Kırovets» komandasymen ótkizdi, dep habarlaıdy QazAqparat tilshisi.

Oraldyqtar 19 aqpan kúni ótken matchta qarsylasyna 2:7 esebimen ese jiberdi.

Bul oıynda «Aqjaıyq» sapynan Pavel Chebakov pen reseılik legıoner Sergeı Bashaev mergendik tanytty.

Búgingi kezdesýde de aıdyn ıeleri 4:2 esebimen jeńiske jetti. Qonaqtardan «Aqjaıyqtyń» surmergeni, reseılik Maksım Pahomov pen Oral dopty hokkeıiniń túlegi Bolat Muhıt gol soǵyp, kózge tústi.

Degenmen oraldyq maman Nıkolaı Shavaldın shákirtteriniń úshinshi topta úzdik úshtikke iligýge múmkindikteri bar. Ol úshin Orynborda jergilikti «Lokomotıvpen» 23, 24, 26 jáne 27 aqpan kúnderi ótetin qalǵan tórt matchty sátti ótkizýi kerek.

Eske sala keteıik, budan buryn «Aqjaıyqtyń» kósh bastaýshy komandaǵa ese jibergenin jazǵan bolatynbyz.