Dopty hokkeı: «Aqjaıyq» «Kırovets» komandasyn utty
ORAL. QazAqparat – Dopty hokkeıden joǵary lıga komandalary arasynda búkilreseılik jarysta Oraldyń «Aqjaıyǵy» óz aıdynynda «Kırovets» (Ýfa) komandasyn qabyldady, dep habarlaıdy QazAqparat tilshisi.
Tynbaı jaýǵan qar men boranǵa qaramastan, oıynshylar baryn salyp baqty.
Birinshi taımda «Aqjaıyqtyń» surmergeni, reseılik Maksım Pahomov 4-mınýtta esep ashty. 33-mınýtta taǵy bir reseılik Sergeı Bashaev 2:0-ge jetkizdi. Bulardyń ekeýine de Oral dopty hokkeıiniń túlegi Bolat Muhıt nátıjeli pas berdi.
Ekinshi kezeńde match sońyna taman qonaqtardan Rýslan Gavrıchkov esepti qysqartty.
Qorytyndy esep – 2:1, «Aqjaıyqtyń» paıdasynda.
Oraldyq klýb osymen úshinshi ret qatarynan jeńiske jetti.
Bul oıynnan keıin 18 upaı jınaǵan Nıkolaı Shavaldınniń shákirtteri úshinshi topta ekinshi orynǵa kóterildi.
Erteń «Jastar» stadıonynda qos komanda ekinshi kezdesýin ótkizedi.
Eske sala keteıik, budan buryn «Aqjaıyqtyń» «Znamıa-Ýdmýrtııa» komandasyn ekinshi ret jeńgenin jazǵan bolatynbyz.
Sýretter – Aıbatyr Nurash.
