Dopty hokkeı: «Aqjaıyq» «Kırovets» komandasyn ekinshi ret utty
ORAL. QazAqparat – Joǵary lıga komandalary arasynda búkilreseılik jarysta «Aqjaıyq» óz aıdynynda «Kırovetsti» (Ýfa) ekinshi ret utty, dep habarlaıdy QazAqparat tilshisi.
Bul kezdesý áldeqaıda tartysty órbidi.
Birinshi taımda «Aqjaıyq» sapyndaǵy reseılik legıoner Sergeı Bashaev esep ashsa, qonaqtardan Alekseı Sevrıkov tarazy basyn teńestirdi. Degenmen kóp uzamaı S.Bashaev pen taǵy bir reseılik Maksım Pahomov esepti 3:1-ge jetkizdi.
Oıynnyń ekinshi kezeńinde aıdyn ıelerinen Petr Grıbanov kózge tússe, «Kırovetsten» taǵy da A.Sevrıkov bir golmen jaýap qaıyrdy.
Jalpy esep – 4:2.
Oraldyq maman Nıkolaı Shavaldınniń shákirtteri 40 upaımen ekinshi topta úshinshi orynda keledi.
Batysqazaqstandyq klýb kelesi oıyndaryn 12-13 aqpanda Sverdlov oblysynyń «SKA-Sverdlovsk» komandasymen ótkizedi.
Eske sala keteıik, budan buryn «Aqjaıyqtyń» «Kırovets» komandasyn jeńgenin jazǵan bolatynbyz.
