Dopty hokkeı: «Aqjaıyq» Qazanda iri eseppen utylyp qaldy
ORAL. QazAqparat - Dopty hokkeıden joǵary lıga komandalary arasynda búkilreseılik jarysta Oraldyń «Aqjaıyǵy» «Dınamo-Qazan-2» komandasynan iri eseppen jeńilip qaldy, dep habarlaıdy «QazAqparat» tilshisi.
Reseı dopty hokkeı federatsııasynyń saıtynan alynǵan málimetke qaraǵanda, Qazan qalasyndaǵy «Raketa» stadıonynda ótken matchtyń birinshi taımynda aıdyn ıeleri 8:1 esebimen alǵa shyqsa, ekinshi kezeńde de sol qarqynynan taıǵan joq.
Osylaısha, «Dınamo-Qazan-2» komandasy oraldyqtardy 13:2 esebimen oısyrata utty. «Aqjaıyqtan» Sultan Qadyrjanov pen Pavel Chebakov qana gol soǵa aldy.
Keshe tartysty básekede qos komanda 7:7 esebimen teń tarqasqan bolatyn.
Aıta keteıik, ekinshi topta oınaıtyn «Aqjaıyqtyń» endi tórt qana kezdesýi qaldy. 21-22 aqpanda Votkınskide osy topta kósh bastap kele jatqan «Znamıa-Ýdmýrtııamen» kúsh synassa, qorytyndy matchtaryn 24-25 aqpanda Verhnıı Ýfaleıde «Nıkelşıkpen» ótkizedi.
