Dopty hokkeı: «Aqjaıyq» Qazanda aıdyn ıelerin jeńdi
ORAL. QazAqparat – Dopty hokkeıden joǵary lıga komandalary arasynda búkilreseılik jarysta «Aqjaıyq» kezekti oıynyn Qazanda «Dınamo-Qazan-2» komandasymen ótkizdi, dep habarlaıdy QazAqparat tilshisi.
«Raketa» stadıonyndaǵy match tartysty órbidi.
Birinshi taımda aldymen «Aqjaıyq» quramyndaǵy reseılik legıoner Sergeı Bashaev buryshtamadan berilgen doptan keıin esep ashsa, aıdyn ıelerinen Danıla Ahmadeev tarazy basyn teńestirdi.
Oıynnyń ekinshi kezeńinde S.Bashaev esepti 2:1-ge jetkizse, taǵy bir reseılik Artem Lapshın ony eseleı tústi – 3:1. Oǵan qosa komandanyń surmergeni Maksım Pahomov 12 metrlik aıyp núktesinen múlt ketken joq – 4:1. Bul onyń bıylǵy maýsymdaǵy 32-inshi goly edi. Budan keıin qazandyq komandadan D.Ahmadeev kózge túsip, esepti qysqarta aldy – 2:4.
Osylaısha qatarynan jetinshi kezdesýinde jeńiske jetken «Aqjaıyq» ekinshi topta 25 upaımen úshinshi orynda keledi.
Qos komanda erteń ekinshi matchyn ótkizedi.
Eske sala keteıik, budan buryn «Aqjaıyqtyń» kezekti jeńisine qol jetkizgenin jazǵan bolatynbyz.
