Dopty hokkeı: «Aqjaıyq» qarsylasynan iri eseppen utylyp qaldy
ORAL. QazAqparat - Dopty hokkeıden joǵary lıga komandalary arasyndaǵy búkilreseılik jarysta «Aqjaıyq» Votkınskide «Znamıa-Ýdmýrtııa» komandasymen ekinshi oıynyn ótkizdi, dep habarlaıdy QazAqparat tilshisi.
Bul joly aıdyn ıeleri iri eseppen jeńiske jetti.
Birinshi taımda votkınskilik klýb 4:0 esebimen alǵa ketse, ekinshi kezeń qorytyndysynda 7:1-ge jetkizdi.
Oraldyqtardan jalǵyz goldy Petr Grıbanov soqty.
«Aqjaıyq» ekinshi topta burynǵysha 28 upaımen úshinshi orynda keledi.
Nıkolaı Shavaldınniń shákirtteri qalǵan on matchtyń segizin óz aıdynynda ótkizedi. Demek, upaı qoryn tolyqtyrýǵa tolyq múmkindik bar.
Eske sala keteıik, budan buryn «Aqjaıyqtyń» syrt aıdynda jeńilip qalǵanyn jazǵan bolatynbyz.
