Dopty hokkeı: «Aqjaıyq» iri eseppen utylyp qaldy
ORAL. QazAqparat - Búgin dopty hokkeıden joǵary lıga komandalary arasynda Syktyvkar qalasynda ótip jatqan fınaldyq týrnırde Oraldyń «Aqjaıyǵy» «Mýrman» (Mýrmansk) klýbymen aıdynǵa shyqty, dep habarlaıdy «QazAqparat» HAA tilshisi.
Reseı dopty hokkeı federatsııasynyń saıtynan alynǵan málimetke qaraǵanda, ókinishke qaraı, oıyn barysynda «Mýrman» aıqyn basymdylyq kórsetip, 7:0 esebimen jeńiske jetti. Sóıtip oraldyqtar qarsylasynyń qaqpasyna bir dop ta soǵa almaı, pushaıman boldy.
Keshe «Aqjaıyq» Krasnotýrınskiniń «Maıagyna» 3:5 esebimen ese jibergen bolaty. Al «Znamıa-Ýdmýrtııa» (Votkınsk) pen «Mýrman» komandalary (3:3) teń tarqassa, aıdyn ıeleri «Stroıtel» «Saıany» (Abakan) komandasyn 5:4 esebimen tize búktirgen edi.
Reseıdiń sýperlıgasyna joldama beretin fınaldyq týrnır odan ári jalǵasýda. Reseılik maman Vladımır Kojevnıkov jattyqtyratyn oraldyqtardyń endi úsh oıyny qaldy.
