Dopty hokkeı: «Aqjaıyq» fınaldyq týrnırdegi barlyq kezdesýlerinde jeńilip qaldy
ORAL. QazAqparat - Dopty hokkeıden joǵary lıga komandalary arasynda Syktyvkar qalasynda márege jetken fınaldyq týrnırde Oraldyń «Aqjaıyǵy» barlyq kezdesýlerinde jeńilip qaldy, dep habarlaıdy «QazAqparat» HAA tilshisi.
Reseı dopty hokkeı federatsııasynyń saıtynan alynǵan málimetke qaraǵanda, oraldyqtar búgin sońǵy oıynda «Znamıa-Ýdmýrtııa» (Votkınsk) komandasynan 5:7 esebimen utyldy. Bul oıynda «Aqjaıyqtan» Pavel Chebakov qos doptyń avtory atansa, Sergeı Bashaev, Sergeı Gavrılov, komanda kapıtany Maksım Ótebalıev bir-birden gol soqty.
Atalmysh týrnırde aıdyn ıeleri «Stroıtel» komandasy barlyq oıynynda qarsylastaryn tize búktirip, 15 upaımen jeńimpaz atandy. 10 upaı jınaǵan «Mýrman» (Mýrmansk) ekinshi orynǵa kóterilse, odan bir ǵana upaıy kem «Saıany» (Abakan) úshinshi satyǵa jaıǵasty. Birde-bir upaıǵa ıe bola almaǵan batysqazaqstandyqtar alty komandanyń ishinde sońǵy orynda qalyp qoıdy.
