Dopty hokkeı: «Aqjaıyq» «Dınamo-Maıak» komandasymen teń oınady
ORAL. QazAqparat - Dopty hokkeıden Reseı chempıonaty joǵary lıgasynyń ekinshi tobynda óner kórsetetin Oraldyń «Aqjaıyǵy» Krasnotýrınskide «Dınamo-Maıak» komandasymen 3 jeltoqsan kúni qarymta kezdesýin ótkizdi.
Reseı dopty hokkeı federatsııasynyń saıtynan alynǵan málimetke qaraǵanda, bul match ta tartysty ótip, 4:4 esebimen teń aıaqtaldy. Oraldyqtardan Sergeı Bashaev, Maksım Ótebalıev, Sultan Qadyrjanov, Arystan Qazybaevtar mergendik tanytty.
«Aqjaıyq» óz tobynda 4 upaımen ázirge besinshi orynda keledi, biraq komandalardyń oıyn sany birdeı emes.
Oraldyq bapker Dmıtrıı Ivannıkovtiń shákirtteri aldaǵy kezdesýlerin óz aıdynynda 16-17 jeltoqsanda, ıaǵnı mereke kúnderi Votkınskiniń «Znamıa-Ýdmýrtııa» komandasymen ótkizedi.
