Dopty hokkeı: «Aqjaıyq» «Dınamo-Qazan-2» komandasyn ekinshi kezdesýinde de utty
ORAL. QazAqparat - Dopty hokkeıden joǵary lıga komandalary arasynda búkilreseılik jarysta óner kórsetetin Oraldyń «Aqjaıyǵy» «Dınamo-Qazan-2» komandasyn ekinshi kezdesýinde de utty, dep habarlaıdy QazAqparat tilshisi.
«Jastar» stadıonynda ótken match birshama tartysty órbidi.
Aldymen qazandyqtardan Aırat Haımýrzın 12-mınýtta esep ashty. Degenmen alty mınýttan keıin «Aqjaıyq» quramyndaǵy reseılik legıoner Sergeı Panteev tarazy basyn teńestirdi. 20-mınýtta taǵy bir reseılik Aleksandr Chkalov aıdyn ıelerin alǵa shyǵardy - 2:1.
Ekinshi taımda 56-mınýtta qazandyq Vladıslav Veselov esepti teńestirgenimen, tórt mınýttan keıin Reseıden «Aqjaıyqqa» jýyrda ǵana kelgen Maksım Pahomov mergendik tanytty. 82-mınýtta «Aqjaıyqtyń» kapıtany Maksım Ótebalıev oıyn núktesin qoıdy - 4:2.
Osylaısha «Dınamo-Qazan-2» komandasyn eki márte utqan oraldyqtar ekinshi topta týrnır kestesinde burynǵysha altynshy orynda keledi.
Nıkolaı Shavaldınniń shákirtteri 27-28 jeltoqsan kúnderi óz aıdynynda kósh basyndaǵy klýbtardyń biri «Znamıa-Ýdmýrtııa» (Votkınsk) komandasyn qabyldaıdy.
Eske sala keteıik, budan buryn «Aqjaıyqtyń» óz aıdynynda «Dınamo-Qazan-2» komandasyn 5:1 esebimen jeńgenin jazǵan bolatynbyz.
Bul kezdesýde Petr Grıbanov pen S.Panteev qos-qostan gol soqsa, M.Pahomov taǵy bir doptyń avtory atandy.
