Dopty hokkeı: «Aqjaıyq» «Dınamo-Qazan-2» komandasymen ekinshi oıynda da jeńiske jetti
ORAL. QazAqparat - Búgin dopty hokkeıden joǵary lıga komandalary arasynda búkilreseılik jarysta «Aqjaıyq» «Dınamo-Qazan-2» (Qazan) komandasymen ekinshi kezdesýin ótkizdi, dep habarlaıdy «QazAqparat» tilshisi.
«Stenovık» stadıonynda bolǵan kezdesý barysynda aıdyn ıelerinen Qýanysh Temirálın, Andreı Gýşın, Elaman Álipqalıev qarsylastar qaqpasyna jaýapsyz úsh dop soǵyp, «Aqjaıyq» 3:0 esebimen jeńiske jetti. Keshegi kezdesýde tórt goldyń avtory atanǵan A.Gýşın bul joly da aıdynnan qur ketpedi.
Qazirgi kezde barlyǵy jeti komanda bar ekinshi topta oraldyqtar 6 upaımen sońǵy orynda keledi. Biraq qarsylastaryna qaraǵanda, Vladımır Kojevnıkovtiń shákirtteri birneshe matchty kem ótkizdi.
«Aqjaıyq» 27-28 jeltoqsan kúnderi ekinshi topta segiz oıynnan keıin 21 upaımen kósh basynda kele jatqan «Znamıa-Ýdmýrtııa» (Votkınsk) komandasyn qabyldaıdy.
