Dopty hokkeı: «Aqjaıyq» betashar matchta iri eseppen jeńilip qaldy
ORAL. QazAqparat - Dopty hokkeıden joǵary lıga komandalary arasynda búkilreseılik jarysta óner kórsetetin Oraldyń «Aqjaıyǵy» jańa maýsymdy sátsiz bastady, dep habarlaıdy QazAqparat tilshisi.
Reseı dopty hokkeı federatsııasynyń saıtynan alynǵan málimetke qaraǵanda, oraldyqtar ekinshi toptaǵy betashar matchty Krasnotýrınskide jergilikti «Maıakpen» ótkizdi.
Aıdyn ıeleri birinshi taımda 3:0 esebimen basymdylyq kórsetse, oıynnyń ekinshi kezeńde 7:0-ge jetkizdi.
«Maıaktan», ásirese, Evgenıı Tsarogorodtsev erekshe kózge túsip, tórt goldyń avtory atandy. Sondaı-aq Evgenıı Igoshın, Andreı Felker (penaltı) jáne Dmıtrıı ıAroslavtsev bir-bir doptan soqty.
«Maıak» - ekinshi toptaǵy myqty klýbtardyń biri. Ony kópten beri Oral dopty hokkeıiniń túlegi Oleg Chernov jattyqtyryp keledi.
30 qarasha kúni qos komanda ekinshi kezdesýin ótkizedi.
Eske sala keteıik, budan buryn «Aqjaıyqty» bıyldan bastap oraldyq bapker Nıkolaı Shavaldınniń jattyqtyratynyn, aldaǵy basty maqsat - 2019 jyly Krasnoıarsk qalasynda ótetin dúnıejúzilik ýnıversıadada júldeli oryn alý ekendigin jazǵan bolatynbyz.
