Dopty hokkeı: «Aqjaıyq» alǵashqy jeńisine qol jetkizdi
ORAL. QazAqparat – Dopty hokkeıden búkilreseılik jarysta (joǵary lıga) óner kórsetetin Oraldyń «Aqjaıyǵy» alǵashqy jeńisine qol jetkizdi, dep habarlaıdy QazAqparat tilshisi.
Nıkolaı Shavaldın jattyqtyratyn oraldyqtar kezekti kezdesýlerin Pervoýralskide Sverdlov oblysynyń ««SKSO »SKA-Sverdlovsk» komandasymen ótkizdi.
Birinshi básekede aıdyn ıeleri qonaqtardy 3:2 esebimen utty. Munda «Aqjaıyq» sapyndaǵy reseılik legıoner Maksım Pahomov qos goldyń avtory atandy.
Ekinshi oıynda batysqazaqstandyqtar 4:2 esebimen ese qaıyrdy. Bul joly Andreı Gýşın qarsylastar qaqpasyna eki dop engizse, taǵy bir reseılik Artem Lapshın men M.Pahomov bir-bir goldan soqty.
Osylaısha bastapqy úsh upaıyna qol jetkizgen «Aqjaıyq» ekinshi topta besinshi orynda keledi.
Oraldyqtar kelesi matchtaryn 10-11 jeltoqsanda Krasnotýrınskide «Maıak» komandasymen ótkizedi.
Eske sala keteıik, budan buryn «Aqjaıyqtyń» «Nıkelşıkten» utylyp qalǵanyn jazǵan bolatynbyz.
