Dopty hokkeı: 21 gol soǵylǵan matchta «Aqjaıyq» utylyp qaldy

ORAL. QazAqparat - Dopty hokkeıden joǵary lıga komandalary arasyndaǵy búkilreseılik jarysta Oraldyń «Aqjaıyǵy» Orynborda jergilikti «Lokomotıv» komandasymen aıdynǵa shyqty, dep habarlaıdy QazAqparat tilshisi.

Tartysty ótken básekede «Aqjaıyqtyń» kapıtany Maksım Ótebalıev esep ashqanymen, budan keıin aıdyn ıeleri qatarynan alty gol soqty.

Match barysynda oraldyqtar da esepti qysqartyp baqqanymen, «Lokomotıv» 11:10 esebimen jeńiske jetti.

Qonaqtar sapynan reseılik surmergen Maksım Pahomov bes, M.Ótebalıev úsh goldyń avtory atandy. Sondaı-aq Petr Grıbanov, Pavel Chebakov qarsylas qaqpasyna bir-bir doptan engizdi.

Oraldyq maman Nıkolaı Shavaldınniń shákirtteri Orynborda áli úsh oıyn ótkizedi.

Munyń ekeýi - eldegi tótenshe jaǵdaıǵa baılanysty 10-11 qańtar kúnderi Oralda ótpeı qalǵan kezdesýler.

«Aqjaıyq» sport klýbynyń dırektory Damır Qalaqovtyń aıtýynsha, óz tobyndaǵy qalǵan osy úsh matchta oraldyqtar úsh upaı alsa, fınaldyq saıystarǵa joldama alýǵa múmkindik beretin úzdik úshtikke iligedi.

Eske sala keteıik, budan buryn «Aqjaıyqtyń» úshinshi topta kósh bastaýshy komandaǵa ese jibergenin jazǵan bolatynbyz.