Dopty hokkeıden Qazaqstan chempıonatynda BQO quramasy úzdik shyqty

ORAL. KAZINFORM — Oral qalasynda dopty hokkeıden Qazaqstan chempıonaty máresine jetti.

Jarysqa barlyǵy 5 komanda qatysyp, baq synady.

Birinshilik qorytyndysynda BQO quramasy jeńimpaz atansa, Hromtaý qalasy ekinshi, Astana komandasy úshinshi orynǵa ıe boldy.

Batysqazaqstandyqtar fınalda hromtaýlyqtardy 11:0 esebimen utty.

Batysqazaqstandyq Nurbol Bókeshov úzdik oıynshy atandy.

«Aqjaıyq» komandasynyń bas bapkeri Nıkolaı Shavaldın Qazaqstannyń basqa da aımaqtarynda dopty hokkeıge barynsha kóńil bólý qajettigin atap kórsetti.

Eske sala keteıik, budan buryn dopty hokkeıden «Aqjaıyq» oıynshylary gol men pas berýden alda kele jatqanyn jazǵan edik.