Dopty hokkeıden fınaldyq týrnır: «Aqjaıyq» ekinshi oıynynda ese jiberdi

IRKÝTSK. KAZINFORM — Irkýtsk qalasynda dopty hokkeıden joǵary lıga komandalary arasynda ótip jatqan búkilreseılik jarystyń fınaldyq básekesinde Oraldyń «Aqjaıyǵy» ekinshi oıynyn ótkizdi.

Bul joly oraldyqtar «Enıseı-2» (Krasnoıarsk) komandasyna qarsy keldi.

Tartysty ótken birinshi taımda bastapqyda «Enıseı-2» 2:0 esebimen alǵa ketkenimen, Nıkolaı Shavaldınniń shákirtteri tarazy basyn teńestire aldy – 2:2. Biraq birte-birte krasnoıarskilik klýbtyń basymdylyǵy baıqaldy – 6:3.

«Aqjaıyqtan» áýeli Nurbol Bókeshov mergendigimen kózge tússe, sodan keıin Maksım Pahomov eki goldyń avtory atandy. 

«Enıseı-2»-den Anton Savlıýk 3, Matveı Lyshko, Maksım Ivanov, Igor Seredkın bir-birden gol soqty. 

Batysqazaqstandyq klýb A tobynda 3 upaımen ázirge úshinshi orynda tur. «Aqjaıyq» erteń «Kýzbass-2» (Kemerovo) komandasymen kúsh synasady.

Eske sala keteıik, budan buryn dopty hokkeıden fınaldyq týrnırde «Aqjaıyqtyń» alǵashqy jeńisine qol jetkizgenin jazǵan bolatynbyz.