Dopty hokkeıden «Aqjaıyq» iri eseppen jeńiske jetti

ORAL. KAZINFORM — Dopty hokkeıden joǵary lıga komandalary arasynda búkilreseılik jarysqa qatysyp júrgen Oraldyń «Aqjaıyǵy» «Jastar» stadıonynda Verhnıı Ýfaleıdiń «Nıkelşık» klýbyn qabyldady.

Bul oraldyqtardyń jańa maýsymdaǵy óz aıdynyndaǵy alǵashqy oıyny edi.

Nıkolaı Shavaldınniń shákirtteri qarsylastaryn aıqyn basymdylyqpen utty. Qorytyndy esep – 12:4. Komanda surmergeni, reseılik Maksım Pahomov 6 goldyń avtory atansa, Raýan Isalıev «Nıkelşıktiń» qaqpasyna 3 dop engizdi. «Aqjaıyqtyń» kapıtany Maksım Ótebalıevke - 2, Bolat Muhıttyń esebine 1 gol tirkeldi.

Osy matchtan keıin 12 upaı jınaǵan «Aqjaıyq» ekinshi topta ázirge «Nıkelşıkpen» tórtinshi-besinshi oryndy bólisýde. Biraq qarsylastaryna qaraǵanda, oraldyq komandanyń ótkizgen oıyn sany áldeqaıda kem.

Senbi kúni qos klýb ekinshi kezdesýin ótkizedi.

Eske sala keteıik, budan buryn dopty hokkeıden «Aqjaıyqtyń» alǵash ret jeńilis tapqanyn jazǵan bolatynbyz.