Dopty hokkeıden «Aqjaıyq» Orynborda «Lokomotıvti» iri eseppen jeńdi

Dopty hokkeıden joǵary lıga komandalary arasyndaǵy týrnırde Oraldyń «Aqjaıyǵy» Orynborda jergilikti «Lokomotıvpen» kezdesti, dep habarlaıdy Kazinform.

Bul oraldyqtardyń jańa maýsymdaǵy syrt aıdyndaǵy alǵashqy matchy edi. Nıkolaı Shavaldınniń shákirtteri túzde «Lokomotıvti» 10:4 esebimen qapy qaldyrdy. 

«Aqjaıyq» sapynda reseılik surmergen Maksım Pahomov bes doptyń avtory atandy. Komanda kapıtany Maksım Ótebalıev te qalysa qoıǵan joq, onyń esebinde 3 gol bar. Sondaı-aq Nurbol Bókeshov pen reseılik Artem Lapshın aıdynnan bos ketpeı, bir-bir goldan soqty. 

Erteń qos komanda ekinshi kezdesýin ótkizedi. 

Eske sala keteıik, budan buryn dopty hokkeıden «Aqjaıyqtyń» qazandyq komandany ekinshi ret utqanyn jazǵan bolatynbyz.