Dopty hokkeıden «Aqjaıyq» Orynborda «Lokomotıvti» 18:5 esebimen utty

ORAL. KAZINFORM - Dopty hokkeıden joǵary lıga komandalary arasynda búkilreseılik jarysta Oraldyń «Aqjaıyǵy» jańa jyldaǵy alǵashqy kezdesýin Orynborda jergilikti «Lokomotıvpen» ótkizdi.

Osyǵan deıin oraldyqtar 21 upaımen ekinshi topta úshinshi orynda turǵan edi.

Birinshi taımda «Aqjaıyq» 7:3 esebimen alǵa ketti.

Ekinshi kezeńde Nıkolaı Shavaldınniń shákirtteri esepti 18:5-ke jetkizdi.

Batysqazaqstandyq klýbtan reseılik surmergen Maksım Pahomov 7 goldyń avtory atansa, komanda kapıtany Maksım Ótebalıev te qalysqan joq. Onyń enshisinde 5 dop bar. Sondaı-aq «Lokomotıv» qaqpasyna Raýan Isalıev 3, Dáýren Oralov, Artem Lapshın jáne Nurbol Bókeshov bir-birden dop engizdi.

Erteń komandalar ekinshi matchyn ótkizedi.

Eske sala keteıik, budan buryn dopty hokkeıden «Aqjaıyqtyń» jyldyń sońǵy oıynyn jeńispen túıindegenin jazǵan bolatynbyz.