Dopty hokkeıden «Aqjaıyq» kósh basyndaǵy komandany utty

ORAL. KAZINFORM - Dopty hokkeıden joǵary lıga komandalary arasynda búkilreseılik jarysta Oraldyń «Aqjaıyǵy» kezekti matchyn Krasnotýrınskide jergilikti «Maıakpen» ótkizdi.

Reseılik klýb 6 oıynnan keıin 18 upaı jınap, ekinshi topta kósh bastap kele jatqan edi.

Birinshi taımda Raýan Isalıevtiń pasynan keıin «Aqjaıyqtyń» kapıtany Maksım Ótebalıev esep ashty.

«Maıaktan» Mıhaıl Krasıkov tarazy basyn teńestirdi.

Ekinshi kezeńde Raýannyń pasyn Dáýren Oralov múlt jibergen joq.

Maksım Pahomovtyń pasynan soń Bolat Muhıt esepti 3:1-ge jetkizdi.

Aıdyn ıelerinen Aleksandr Shtele esepti qysqartqanymen, M.Pahomovtyń kómegimen R.Isalıev mergendik tanytty.

Budan keıin «Maıaktan» Artem Samoılov bir gol soǵa aldy.

Qorytyndy esep - 4:3, oraldyq maman Nıkolaı Shavaldın jattyqtyratyn «Aqjaıyqtyń» paıdasynda.

Erteń qos komanda ekinshi kezdesýin ótkizedi.

Eske sala keteıik, budan buryn dopty hokkeıden «Aqjaıyqtyń» reseılik komandany taǵy da iri eseppen jeńgenin jazǵan bolatynbyz.