Dopty hokkeı: Fınaldyq týrnırde «Aqjaıyq» iri eseppen jeńildi

ORAL. KAZINFORM — Reseıdiń Kemerovo qalasynda dopty hokkeıden joǵary lıga komandalary arasynda búkilreseılik jarystyń fınaldyq týrnırinde Oraldyń «Aqjaıyǵy» ekinshi kezdesýin ótkizdi.

Bul joly Nıkolaı Shavaldınniń shákirtteri «Sıbselmash-2» (Novosibir) komandasymen aıdynǵa shyǵyp, kim myqtyny anyqtady. 

Bul matchta novosibirlik bendı sheberleriniń basymdylyǵy aıqyn baıqaldy. Olar birinshi taımda-aq 7:0 esebimen alǵa ketti. Qorytyndy esep — 13:2.

«Aqjaıyqtan» Nurbol Bókeshov pen Maksım Pahomov gol soǵyp, kózge tústi. 

Oraldyq klýb endi 27 naýryzda «Stroıtel» (Syktyvkar) komandasymen kezdesedi.

Eske sala keteıik, budan buryn «Aqjaıyqtyń» fınaldyq kezeńdi teń oıynmen bastaǵanyn jazǵan bolatynbyz.