20:54, 09 Naýryz 2025 | GMT +5
Dopty hokkeı: Búkilreseılik jarystyń fınaldyq kezeńi Kemerovo qalasynda ótedi
ORAL. KAZINFORM – Dopty hokkeıden joǵary lıga komandalary arasynda búkilreseılik jarystyń fınaldyq kezeńi 23-31 naýryz kúnderi Kemerovo qalasynda ótedi.
«Aqjaıyq» sport klýbynan málim etkenindeı, matchtar eki sporttyq nysanda: «Kýzbass»» muz saraıynda jáne «Hımık» qysqy sport túrleri ortalyǵynyń stadıonynda bolady.
Búkilreseılik jarystyń fınaldyq kezeńinde joǵary lıganyń úzdik komandalary júldeli oryndar úshin talasady.
Oraldyń «Aqjaıyq» komandasy ekinshi topta 75 upaımen birinshi orynǵa ıe bolǵan edi.
Bas bapker Nıkolaı Shavaldınniń sózine qaraǵanda, qarjy máselesi sheshilse, klýb fınaldyq kezeńge qatysatyn bolady.
Eske sala keteıik, budan buryn «Aqjaıyqtyń» qatarynan 20 oıyndy jeńispen aıaqtaǵanyn jazǵan bolatynbyz.