Dopty hokkeı: «Aqjaıyqtyń» shabýylshysy joǵary lıgada eń surmergen oıynshy atandy
ORAL. KAZINFORM – Dopty hokkeıden joǵary lıga komandalary arasynda búkilreseılik jarysta toptaǵy oıyndar máresine jetti.
Joǵary lıgada 23 komanda barlyǵy úsh topqa bólingen.
Solardyń arasynan «Aqjaıyqtyń» shabýylshysy, reseılik Maksım Pahomov 28 oıynda 79 gol soǵyp, 32 nátıjeli pas berip (ekeýin qosqanda — 111), basqalardan áldeqaıda ozyp ketti.
«Aqjaıyqtyń» kapıtany Maksım Ótebalıev 36 gol, 37 paspen (73 upaı) mergender kóshinde ekinshi orynǵa kóterildi.
«Nıkelşık» (Verhnıı Ýfaleı) klýbynan Artem Samoılov 57 gol, 12 paspen (69) úshinshi orynǵa ıe boldy.
Oraldyq klýbtyń taǵy bir oıynshysy, reseılik Artem Lapshınniń kórsetkishi de jaman emes, onyń esebinde 42 upaı (30 gol, 12 pas) bar.
Nıkolaı Shavaldınniń shákirtteri 28 aqpanda Verhnıı Ýfaleıde «Nıkelşıkpen» sońǵy oıynyn ótkizip, 3:7 esebimen ese jiberdi. Soǵan qaramastan, ekinshi topta 54 upaımen úzdik úshtikke ilikti.
Endi batysqazaqstandyq klýb naýryz aıynda Irkýtsk qalasynda ótetin fınaldyq saıystarǵa qatysady. Onda 12 úzdik komanda baq synaıdy. Solardyń ishinde eń ozyq shyqqan ekeýi sýperlıgaǵa joldama alady.
Eske sala keteıik, budan buryn dopty hokkeıden Oraldyń «Aqjaıyǵy» fınaldyq saıystarǵa joldama alǵanyn jazǵan edik.
