Dopty hokkeı: «Aqjaıyq» tartysty matchta máskeýlik komandaǵa ese jiberdi

ORAL. KAZINFORM — Reseıdiń Kemerovo qalasynda dopty hokkeıden joǵary lıga komandalary arasynda ótip jatqan búkilreseılik jarystyń fınaldyq kezeńinde Oraldyń «Aqjaıyǵy» úshinshi kezdesýin ótkizdi.

Bul joly «Kýzbass» muz saraıynda batysqazaqstandyqtar «Dınamo-2» (Máskeý) komandasymen oınady. 

Bastapqyda «Aqjaıyqtyń» kapıtany Maksım Ótebalıev esep ashqanymen, máskeýlikter 4:1 esebimen alǵa shyqty. Oraldyqtar esepti barynsha qysqartqanymen, jeńis «Dınamo-2» klýbynyń enshisinde ketti — 8:6.

Oıyn barysynda oraldyq komandadan Maksım Pahomov qos goldyń avtory atansa, M.Ótebalıev taǵy bir ret mergendigimen kózge tústi. Pavel Chebakov pen Dáýren Oralov ta qur ketpedi.

Nıkolaı Shavaldın shákirtteriniń A tobynda bir ǵana oıyny qaldy. Erteń olar «Stroıtel» (Syktyvkar) komandasymen aıdynǵa shyǵady.

Eske sala keteıik, budan buryn dopty hokkeıden fınaldyq týrnırde «Aqjaıyqtyń» iri eseppen jeńilip qalǵanyn jazǵan bolatynbyz.