Dopty hokkeı: «Aqjaıyq» túzde «Stroıtel» komandasynan jeńildi

IRKÝTSK. KAZINFORM — Irkýtsk qalasynda dopty hokkeıden joǵary lıga komandalary arasynda búkilreseılik jarystyń fınaldyq týrnırinde «Aqjaıyq» (Oral) taǵy bir kezdesýin ótkizdi.

Bul joly oraldyqtar «Stroıtel» (Syktyvkar) komandasymen aıdynǵa shyqty. 

Reseılik surmergen Maksım Pahomov qatarynan úsh gol soǵyp, «Aqjaıyq» oıyndy jaqsy bastaǵanymen, sol qarqynynyn kóp ótpeı joǵaltyp aldy. Al, «Stroıtel» komandasy 8:5 esebimen jeńiske jetti. 

Oraldyqtardan qarsylas qaqpasyna I.Zaharov, M.Pahomov taǵy bir-bir goldan engizdi.

Nıkolaı Shavaldınniń shákirtteri B tobynda 12 naýryz kúni sońǵy básekesin «Dınamo-2» (Máskeý) komandasymen ótkizedi.

Eske sala keteıik, budan buryn dopty hokkeıden fınaldyq týrnırde «Aqjaıyq» tartysty matchta jeńilip qalǵanyn jazǵan bolatynbyz.