Dopty hokkeı: «Aqjaıyq» segiz jeńisten keıin qarsylasyna ese jiberdi

ORAL. KAZINFORM – Dopty hokkeıden joǵary lıga komandalary arasynda búkilreseılik jarysta Oraldyń «Aqjaıyǵy» kezekti matchyn Krasnotýrınskide jergilikti «Maıak» komandasymen ótkizdi.

Nıkolaı Shavaldın jattyqtyratyn oraldyqtar osyǵan deıin óz aıdynyndaǵy segiz kezdesýiniń bárinde jeńiske jetip, óz tobynda 54 upaımen kósh bastap kele jatqan edi.

Úshinshi satydaǵy «Maıak» – «Aqjaıyqtyń» negizgi qarsylastarynyń biri. Sondyqtan da match tartysty ótip, 4:2 esebimen «Maıaktyń» paıdasyna aıaqtaldy.

Batysqazaqstandyqtardan eki dopty da komandanyń surmergeni, reseılik Maksım Pahomov soqty.

Aıdyn ıelerinen Konstantın Elovıkov, Denıs Mýbınov, Andreı Glazer jáne Anton Tıhvınskıı mergendik tanytty.

Erteń qos klýb ekinshi básekesin ótkizedi.

Eske sala keteıik, budan buryn «Aqjaıyqtyń» Oraldaǵy sońǵy kezdesýinde 11:3 esebimen jeńgenin jazǵan bolatynbyz.