Dopty hokkeı: «Aqjaıyq» reseılik klýbtan basym tústi

ORAL. KAZINFORM – Dopty hokkeıden joǵary lıga komandalary arasynda búkilreseılik jarysta óner kórsetetin Oraldyń «Aqjaıyǵy» óz aıdynynda «Znamıa-Ýdmýrtııany» (Votkınsk) qabyldady. 

Birinshi taımda 3:1 esebimen oraldyqtar basym tússe, ekinshisinde komandalar bes-besten gol soqty. Osylaısha «Aqjaıyq» 8:6 esebimen qarsylasynan basym tústi. 

Maksım Pahomov 4 goldyń avtory atansa, Raýan Isalıev eki ret mergendigimen kózge túsip, 3 nátıjeli pas berdi. Artem Lapshın men komanda kapıtany Maksım Ótebalıev bir-bir doptan óz enshilerine jazdy. 

Erteń Nıkolaı Shavaldınniń shákirtteri osy maýsymdaǵy Oraldaǵy sońǵy oıynyn ótkizedi. 

Qazirgi kezde «Aqjaıyq» 54 upaımen ekinshi topta kósh bastap tur. 

Eske sala keteıik, budan buryn «Aqjaıyqtyń»» qatarynan 14 matchta jeńiske jetkenin jazǵan edik.