Dopty hokkeı: «Aqjaıyq» óz tobynda kósh bastady

ORAL. KAZINFORM — Dopty hokkeıden joǵary lıga komandalary arasynda búkilreseılik jarysta Oraldyń «Aqjaıyǵy» óz aıdynynda Orynbordyń «Lokomotıvin» qabyldady.

Oıyn oraldyq hokkeıshilerdiń aıqyn basymdylyǵymen ótti.

Nıkolaı Shavaldınniń shákirtteri 20:3 esebimen jeńiske jetti.

«Aqjaıyq» sapyndaǵy reseılik shabýylshy Maksım Pahomov 10 goldyń avtory atandy. Raýan Isalıev «Lokomotıv» qaqpasyna 4 dop engizdi. Komanda kapıtany Maksım Ótebalıev pen Samat Amanshın eki-ekiden, Pavel Chebakov pen Nurbol Bókeshov bir-birden kózge tústi.
Osy matchtan keıin 42 upaı jınaǵan oraldyq klýb óz tobynda kósh bastady.

Dúısenbi kúni qos komanda ekinshi kezdesýin ótkizedi.

Eske sala keteıik, budan buryn «Aqjaıyqtyń» qarsylasyn kambekpen utqanyn jazǵan bolatynbyz.