Dopty hokkeı: «Aqjaıyq» óz aıdynyndaǵy sońǵy oıynyn ótkizdi

ORAL. KAZINFORM - Dopty hokkeıden joǵary lıga komandalary arasynda búkilreseılik jarysta Oraldyń «Aqjaıyǵy» «Jastar» stadıonynda «Znamıa-Ýdmýrtııamen» (Votkınsk) ekinshi oıynyn ótkizdi.

Nıkolaı Shavaldınniń shákirtteri keshe tartysty matchta 8:6 esebimen jeńiske jetken edi.

Bul joly kezdesý oraldyqtardyń aıqyn basymdyǵymen ótti - 12:2.

Komanda surmergeni, reseılik Maksım Pahomov 8 goldyń avtory atansa, Raýan Isalıev 1 dop soǵyp, 9 nátıjeli pas berdi. Sondaı-aq komanda kapıtany Maksım Ótebalıev eki, Bolat Muhıt bir ret mergendigimen kózge tústi.

Qonaqtardan Alekseı Sevrıýkov pen Mıhaıl Grınko bir-birden gol engizdi.

Bul «Aqjaıyqtyń» óz aıdynyndaǵy sońǵy oıyny edi.

Batysqazaqstandyq klýb kelesi kezdesýlerin Qazanda 11-12 aqpanda «Ak Bars-Dınamo-2» komandasymen ótkizedi.

Eske sala keteıik, budan buryn «Aqjaıyqtyń» reseılik klýbtan basym túskenin jazǵan bolatynbyz.