Dopty hokkeı: «Aqjaıyq» oıynshylary gol men pas berýden alda keledi

ORAL. KAZINFORM – Dopty hokkeıden joǵary lıga komandalary arasynda búkilreseılik jarysta óner kórsetetin «Aqjaıyq» oıynshylary Raýan Isalıev pen Maksım Pahomov gol men pas berýden alda keledi.

«Aqjaıyq» sport klýbynan túsken málimetke qaraǵanda, Qazaqstan ulttyq quramasynyń oıynshysy Raýan Isalıev 16 matchta 72 nátıjeli pas jasady.

Raýan joǵary lıganyń úsh tobyn túgel alǵanda, pas berýden aldyna jan salmasa, reseılik legıoner Maksım Pahomov 74 golmen surmergender kóshin bastady.

R.Isalıev pen M.Pahomov qazirdiń ózinde biregeı nátıjege qol jetkizip otyr. Alda fınaldyq kezeńdi qospaǵanda, «Aqjaıyq» ótkizetin áli 12 match bar ekenin eskersek, olardyń kórsetkishi odan saıyn jaqsara túsetini anyq.

Eske sala keteıik, budan buryn «Aqjaıyqtyń» orynborlyq komandany 17:0 esebimen oısyrata utqanyn jazǵan bolatynbyz.

Sondaı-aq dopty hokkeıden «Aqjaıyq» Reseı birinshiliginde júldege talasa ala ma, sony habarladyq.