Dopty hokkeı: «Aqjaıyq» Oraldaǵy sońǵy kezdesýinde 11:3 esebimen jeńdi

ORAL. KAZINFORM – Dopty hokkeıden joǵary lıga komandalary arasynda búkilreseılik jarysta Oraldyń «Aqjaıyǵy» «Jastar» stadıonynda «Volga-Cheremshan» (Ýlıanovsk) komandasymen ekinshi oıynyn ótkizdi.

Bul «Aqjaıyqtyń» osy maýsymdaǵy óz aıdynyndaǵy sońǵy kezdesýi edi. Osyǵan deıin qatarynan jeti ret jeńiske jetken Nıkolaı Shavaldınniń shákirtteri bul joly da jankúıerler seniminen shyǵa bildi.

Reseılik surmergen Maksım Pahomov bilgeninen jańylmaı, qarsylas qaqpasyna 6 dop toǵytty. Taǵy bir reseılik Artem Lapshın het-trıktiń avtory atansa, tájirıbeli oıynshylardyń biri Samat Amanshın eki gol soqty. «Volga-Cheremshannan» Ivan ıAkovlep 2, Danıla Arapov 1 dop engize aldy. Qorytyndy esep – 11:3, «Aqjaıyqtyń» paıdasynda.

Batysqazaqstandyqtar 54 upaımen ekinshi topta burynǵysha jeke-dara kósh bastap keledi. Oraldyq klýb qalǵan alty matchyn syrt aıdynda ótkizedi. «Aqjaıyq» 19-20 aqpanda Krasnotýrınskide negizgi qarsylastarynyń biri – «Maıakpen» oınaıdy.

Eske sala keteıik, budan buryn dopty hokkeıden «Aqjaıyqtyń» taǵy bir qarsylasyn utqanyn bolatynbyz.