Dopty hokkeı: «Aqjaıyq» maýsymdy jeńispen qorytyndylady

ORAL. KAZINFORM — Reseıdiń Kemerovo qalasynda dopty hokkeıden joǵary lıga komandalary arasynda búkilreseılik jarystyń fınaldyq týrnırinde Oraldyń «Aqjaıyǵy» sońǵy kezdesýin ótkizdi.

Batysqazaqstandyq komanda 9-oryn úshin básekede «Zorkıı» (Krasnogorsk) klýbymen synǵa tústi.

Tartysty ótken oıynda aldymen «Zorkııden» Andreı Zamıatın esep ashty. Degenmen birinshi taımda Maksım Pahomov 2, «Aqjaıyqtyń» kapıtany Maksım Ótebalıev 1 gol soǵyp, esepti 3:1-ge jetkizdi.

Ekinshi kezeńde oraldyqtardan Aleksandr Lapshın, Ershat Amangeldıev mergendik tanytty. Reseılik klýbtan Semen Zavarınskıı 1, Oleg Hasıanov 2 goldyń avtory atandy. Qorytyndy esep — 5:4, «Aqjaıyqtyń» paıdasynda.

Osylaısha, Nıkolaı Shavaldınniń shákirtteri fınaldyq kezeńde 9-orynǵa turaqtady. 

Buǵan deıin «Aqjaıyq» kópten beri fınaldyq týrnırge qatyspaǵan edi. 

Eske sala keteıik, budan buryn dopty hokkeıden «Aqjaıyqtyń» kósh basyndaǵy komandaǵa ese jibergenin jazǵan edik.