Dopty hokkeı: «Aqjaıyq» kósh basyndaǵy komandaǵa ese jiberdi

ORAL. KAZINFORM - Reseıdiń Kemerovo qalasynda dopty hokkeıden joǵary lıga komandalary arasynda búkilreseılik jarystyń fınaldyq týrnıri ótip jatyr.

Oraldyń «Aqjaıyǵy» A tobyndaǵy sońǵy kezdesýin «Kýzbass-2» (Kemerovo) komandasymen ótkizdi.

Oıyn aıdyn ıeleriniń basymdylyǵymen ótti - 6:1.

«Aqjaıyqtan» jalǵyz goldy komanda kapıtany Maksım Ótebalıev soqty.

Osylaısha, óz tobynda «Kýzbass-2» komandasy 15 upaımen kósh bastasa, oraldyqtar besinshi oryndy qanaǵat tutty.

«Aqjaıyq» endi 30 naýryzda 9-oryn úshin «Zorkıı» komandasymen talasady.

Eske sala keteıik, budan buryn fınaldyq týrnırde «Aqjaıyqtyń» alǵashqy jeńisine qol jetkizgenin jazǵan bolatynbyz.