Dopty hokkeı: «Aqjaıyq» qorytyndy matchynda máskeýlik komandany jeńdi

IRKÝTSK. KAZINFORM -  Reseıdiń Irkýtsk qalasynda dopty hokkeıden joǵary lıga komandalary arasynda búkilreseılik  jarystyń fınaldyq týrnırinde Oraldyń «Aqjaıyǵy» qorytyndy matchyn ótkizdi.

B tobynda Nıkolaı Shavaldınniń shákirtteri «Dınamo-2» (Máskeý) komandasymen aıdynǵa shyqty.

Tartysty ótken oıynda oraldyqtar 6:4 esebimen basym tústi.

«Aqjaıyqtan» reseılik surmergen Maksım Pahomov bes goldyń avtory atansa, taǵy bir dopty qarsylas qaqpasyna Dáýren Oralov engizdi.

Osylaısha, «Aqjaıyq» óz tobynda úsh kezdesýinde utylyp qalsa, ekeýinde jeńiske jetip, 6 upaıǵa ıe boldy.

Eske sala keteıik, budan buryn «Aqjaıyqtyń» «Stroıtel» komandasynan jeńilgenin jazǵan bolatynbyz.