Dopty hokkeı: «Aqjaıyq» kezekti jeńisine qol jetkizdi

ASTANA. KAZINFORM — Dopty hokkeıden joǵary lıga komandalary arasynda búkilreseılik jarysta Oraldyń «Aqjaıyǵy» óz aıdynynda «SKA-Ýralskıı trýbnık-2» (Ekaterınbýrg) komandasyn qabyldady. 

Áp degennen-aq Nıkolaı Shavaldınniń hokkeıshileri oıyn tizginin óz qoldaryna alyp, qarsylastyń qaqpasyna jıi qaýipti shaýyl uıymdastyrýmen boldy.

Reseılik surmergen Maksım Pahomov 4 goldyń avtory atansa, Nurbol Bókeshov, taǵy bir reseılik Artem Lapshın qonaqtardyń qaqpasyna bir-bir doptan engizdi. Jalpy esep 6:3, «Aqjaıyqtyń» paıdasynda.

Osylaısha, óz tobynda kósh bastap kele jatqan oraldyqtar upaı sanyn 39-ǵa jetkizdi. Erteń qos klýb ekinshi kezdesýin ótkizedi.

Eske sala keteıik, budan buryn «Aqjaıyqtyń» basty qarsylasyn 10:4 esebimen oısyrata jeńgenin jazǵan bolatynbyz.