Dopty hokkeı: «Aqjaıyq» qatarynan toǵyz kezdesýinde jeńiske jetti

ORAL. KAZINFORM – Dopty hokkeıden joǵary lıga komandalary arasynda búkilreseılik jarysta Oraldyń «Aqjaıyǵy» kezekti matchyn óz aıdynynda «Volga-Cheremshan» (Ýlıanovsk) klýbymen ótkizdi.

Oıynda oraldyq hokkeıshilerdiń basymdylyǵy aıqyn baıqalyp turdy.

Match bitkende, 17:4 esebi tirkeldi. «Aqjaıyqtyń» surmergeni, reseılik Maksım Pahomov 7 goldyń avtory atansa, komanda kapıtany Maksım Ótebalıev qonaqtar qaqpasyna 5 dop engizdi.

Sondaı-aq Raýan Isalıevtiń enshisine 3, Artem Lapshın men Dáýren Oralovqa bir-bir goldan jazyldy.

Osylaısha, qatarynan 9 kezdesýinde jeńiske jetken «Aqjaıyq» (bas bapkeri Nıkolaı Shavaldın) ekinshi topta 36 upaımen kósh bastaýshylar qatarynda keledi. Týrnır kestesinde «Maıak» (Krasnotýrınsk) klýby ǵana 37 upaımen alda tur. Biraq olar bir básekeni artyq ótkizgen. 

Jeksenbi kúni «Aqjaıyq» pen «Volga-Cheremshan» qaıta aıdynǵa shyǵady. 

Eske sala keteıik, budan buryn «Aqjaıyqtyń» qazandyq komandany ekinshi ret oısyrata jeńgenin jazǵan bolatynbyz.