Dopty hokkeı: «Aqjaıyq» qatarynan 14 matchta jeńiske jetti

ORAL. KAZINFORM – Dopty hokkeıden joǵary lıga komandalary arasynda búkilreseılik jarysta oınaıtyn Oraldyń «Aqjaıyǵy» óz aıdynynda «Maıakpen» (Krasnotýrınsk) ekinshi kezdesýin ótkizdi.

Keshe qarsylasyn 10:2 esebimen utqan oraldyqtar búgin de sheberliginiń basym ekendigin tanyta bildi.

Bul joly Nıkolaı Shavaldınniń shákirtteri 5:1 esebimen «Maıaktyń» mysyn basty. 

«Aqjaıyqtan» Maksım Pahomov qos goldyń avtory atansa, Ershat Amangeldıev, Raýan Isalıev, Maksım Ótebalıev bir-birden kózge tústi.
«Maıaktan» Artem Samoılov jalǵyz doppen jaýap qaıyrdy.

Osylaısha, qatarynan 14 matchta jeńiske jetken batysqazaqstandyq klýb ekinshi topta 51 upaımen kósh bastady.

«Aqjaıyq» óz aıdynyndaǵy sońǵy kezdesýlerin 7-8 aqpanda «Znamıa-Ýdmýrtııa» (Votkınsk) komandasymen ótkizedi. 

Eske sala keteıik, budan buryn dopty hokkeıden «Aqjaıyqtyń» reseılik komandadan iri eseppen ese qaıyrǵanyn jazǵan edik.