Dopty hokkeı: «Aqjaıyq» fınaldyq oıyndarǵa qatysý úshin Kemerovo qalasyna jol tartty

ORAL. KAZINFORM — «Aqjaıyq» klýby dopty hokkeıden joǵary lıga komandalary arasynda búkilreseılik jarystyń fınaldyq oıyndaryna qatysý úshin Reseıdiń Kemerovo qalasyna attandy.

«Aqjaıyqtyń» bas bapkeri Nıkolaı Shavaldınniń málim etkenindeı, oraldyqtar 24 naýryzda bastalatyn fınaldyq kezeńde A tobynda synǵa túsedi.

Batysqazaqstandyqtar «Kýzbass» muz saraıynda bastapqyda «Maıak» (Krasnotýrınsk) komandasymen oınaıdy. «Aqjaıyq» ekinshi topta 75 upaımen birinshi oryn alsa, «Maıak» (58 upaı) úzdik úshtikti túıindegen edi.

«Aqjaıyq» 25 naýryzda «Sıbselmash-2» (Novosibir), odan keıin «Dınamo-2» (Máskeý) komandasymen aıdynǵa shyǵady. Al 27 naýryz kúni «Stroıtel» (Syktyvkar) klýbymen qaı myqtyny anyqtaıdy.

Fınaldyq kezeń 30 naýryz kúni máresine jetip, júldeli oryn alǵandar anyqtalady. Alǵashqy eki komandaǵa sýper lıgaǵa joldama beriledi. 

Eske sala keteıik, budan buryn dopty hokkeıden búkilreseılik jarystyń fınaldyq kezeńi Kemerovo qalasynda ótetinin jazǵan bolatynbyz.