Dopıngti jappaı taǵaıyndaǵan brıtandyq dáriger aıyptalýda
ASTANA. QazAqparat - Brıtandyq Sunday Times gazeti sporttyq kórsetkishterdi arttyrýǵa kómektesetin preparattardy qomaqty aqshaǵa ondaǵan atletterge taǵaıyndaǵan brıtandyq dáriger Mark Bonardyń tergeýin jarııalady, dep habarlady Bı-bı-bı.
Bul sportshylardyń ishinde aǵylshyn fýtbolynyń joǵary dıvızıonynyń oıynshylary, belgili tennısshiler, veloshabandozdar jáne krıket boıynsha aǵylshyn quramasynyń bir oıynshysy bar. Bul preparattarǵa sportshylar myń fýnt sterlıng jumsaǵan.
Gazet jasyryn kameraǵa Bonar steroıd, erıtropoetın jáne ósý gormandary bar preparattardy 150-ge jýyq kásibı sportshylarǵa taǵaıyndaǵanyn aıtyp jatqan jazbany usyndy.
Alaıda Bonar atletterge dopıng taǵaıyndaǵany týraly taǵylǵan aıyppen kelispeıdi. Onyń aıtýynsha, ol dárini sporttyq jetistikterdi jaqsartý úshin emes, sportshylardy aýrýlarynan emdep, densaýlyqtaryn qoldaý úshin jazyp bergen.
Brıtanııa bıligi brıtandyq dopıngke qarsy agenttik bul jaǵdaıǵa qandaı áreket qoldanǵanyna tergeý júrgizýdi tapsyrdy.
