«Dopıng» jedel aldyn alý sharasy barysynda Jezqazǵan kásipornynda 17 tonnadan astam kúkirt qyshqyly tárkilendi
QARAǴANDY. 21 aqpan. QazAqparat - Qaraǵandy oblysynyń Jezqazǵan qalasynda polıtseıler «Dopıng» jedel aldyn alý sharasyn júrgizý barysynda kásiporyndardyń birinen 17 tonnadan astam kúkirt qyshqylyn tárkiledi, dep habarlandy oblystyq ІІD-niń baspasóz qyzmetinen.
«20 aqpanda «Dopıng» jedel aldyn alý sharasyn júrgizý barysynda Jezqazǵan qalasy ІІB esirtki bıznesimen kúres bóliminiń qyzmetkerleri JShS-niń birinde 17 tonnadan astam kúkirt qyshqylyn tárkiledi. Anyqtalǵandaı, atalmysh JSSh-da prekýrsorlardyń aınalymy salasynda memlekettik lıtsenzııanyń merzimi aıaqtalǵan», - delingen habarlamada.
Hımııa tsehiniń basshysyna qatysty QR Ákimshilik quqyq buzýshylyq kodeksiniń 357-1 baby boıynsha ákimshilik hattama rásimdeldi. «Іs ákimshilik sotqa jiberildi. Tsehtiń basshysy 100-den 200-ge deıingi aılyq eseptik kórsetkish mólsheri kóleminde aıyppul tóleýi múmkin», - delingen habarlamada.
Polıtsııadan alynǵan aqparatqa qaraǵanda, atalmysh shara barysynda Shahtınsk qalasynda JShS-niń birinde 345 keli kúkirt qyshqyly jetispeıtini anyqtaldy. Qaraǵandyda AQ-nyń hımııalyq zerthanasynyń meńgerýshisi kúkirt qyshqylyna múldem esep júrgizbegen. Bul uıymdardyń basshylary jaýapkershilikke tartylatyn bolady.
Respýblıkalyq «Dopıng» jedel aldyn alý sharasy 18-22 aqpan aralyǵynda ótkiziledi.
