Dopıng-tekserýden sátti ótken Qazaqstannyń olımpıadalyq quramasy taǵy bir lıtsenzııa alýy múmkin
ASTANA. Aqpannyń 2-si. QazAqpara /Gúlnár Jandaǵulova/ - Dopıng-tekserýden sátti ótken Qazaqstannyń olımpıadalyq quramasynyń qorjyny taǵy bir lıtsenzııamen - 38-shi joldamamen tolyǵýy múmkin.
Bul týraly QazAqparat tilshisine Týrızm jáne sport mınıstrliginiń sporttyń olımpıadalyq túrleri basqarmasynyń bastyǵy Aınajamal Myrzaeva habarlady.
Kanadanyń Vankýver qalasynda ótetin HHІ qysqy Olımpıada oıyndaryna Qazaqstannyń atynan 37 sportshy qatysady, olardyń barlyǵy dopıng-tekserýden sátti ótti, dep habarlady basqarmadan.
«Qazir bizde 37 sportshy bar, 38-shi sportshy da (konkımen júrgizýden - agenttiktiń túsindirmesi) qatysyp qalýy múmkin. Qazir osy másele sheshilip jatyr», dedi Myrzaeva hanym.
Qazaqstan quramasy olımpıadalyq baǵdarlamadaǵy 15 sporttyń segiz túri boıynsha óner kórsetedi, olar: bıatlon, shańǵy jarysy, mánerlep syrǵanaý, short-trek, konkımen júgirý, shańǵymen tramplınnen sekirý, taý shańǵysy, frıstaıl sııaqty sport túrleri.
