Dopıng tabylǵaly meni aptasyna 2-3 ret tekseredi- Saýl Alvares
ASTANA. QazAqparat - Meksıkalyq boksshy Saýl Alvares (49-1-2, 34 KO) qazaqstandyq bylǵary qolǵap sheberi Gennadıı Golovkınmen (38-0-1, 34 KO) jekpe-jek aldynda VADA-nyń dopıngke qarsy baǵdarlamasyna qatysýy týraly aıtty, dep habarlaıdy Sports.kz.
«Men únemi erikti túrde dopıng synamasyn tapsyramyn. Sol oqıǵadan keıin (aqpanda alynǵan eki dopıng synamasynan boksshylarǵa tyıym salynǵan zat klenbýterol tabylǵan - Red.) jazyldym buǵan. Olar meni tekserýdi jalǵastyryp jatyr. Aptasyna eki-úsh ret keledi. Sol oqıǵadan keıin 15-20 ret test tapsyrdym», - deıdi «Kanelo».
Eske sala keteıik, 17 jáne 20 aqpanda alynǵan dopıng synamasynan keıin boksshy alty aıǵa sporttan shettetilgen bolatyn.
Golovkınmen ekinshi kezdesý 15 qyrkúıekte Las-Vegasta ótedi.
