Dopıng qoldanǵan ózbekstandyq Olımpıada chempıony bokstan úsh jylǵa shettetildi

ASTANA. KAZINFORM — Bokstan ózbekstandyq Olımpıada chempıony Lazızbek Mýllajonovtyń dopıng qoldanǵany anyqtaldy.

Halyqaralyq dopıng testileý agenttigi (ITA) taratqan málimetke qaraǵanda, 26 jastaǵy ózbekstandyq boksshy dopıng saldarynan úsh jylǵa sporttan shettetildi.

Mýllajonovtan 2025 jylǵy 11 maýsymda alynǵan synamadan tyıym salynǵan metasteron tabylǵan. Ózbekstan ókili óz kinásin moıyndaǵandyqtan, sporttan shettetý merzimi 4 jyldan 3 jylǵa qysqartylǵan.

L.Mýllajonov – 2022 jylǵy Azııa chempıony, 2023 jylǵy álem birinshiliginiń qola júldegeri. Ol 2024 jyly Parıj olımpıadasynda 92 kelige deıingi salmaqta jeńimpaz atandy.

Eske sala keteıik, budan buryn Qytaı chempıonatynda 4 qazaq boksshysy júldeger atanǵanyn jazǵan edik.