Dopıng qoldanǵan qazaqstandyq aýyr atlet ómir boıyna sporttan shettetildi
ASTANA. QazAqparat - Halyqaralyq aýyr atletıka federatsııasy IWF zerthanalyq dopıng-baqylaý saraptamalarynyń negizinde qazaqstandyq sportshy Faına Sıvanbaevany ómir boıyna barlyq deńgeıdegi sporttyq sharalardan shettetti. Bul týraly Aýyr atletıka federatsııasynan habarlady.
Osyǵan deıin sportshy dopıngke qarsy erejelerdi buzǵany úshin 2012-2014 jyldary aralyǵynda sporttyq sharalardan shettetilgen. Sportqa oralǵannan keıin ulttyq jáne halyqaralyq deńgeıdegi jarystarǵa qatysty.
2015 jyly 7 qyrkúıekte Taılandta ótken aýyr atletıka boıynsha Azııa chempıonatynyń qorytyndysy boıynsha sportshydan alynǵan dopıng-baqylaýdyń «A» synamasynda tyıym salynǵan zattardyń bolǵany anyqtaldy. Іshki tergeý qorytyndysy atalǵan preparatty ádeıi qoldanǵanyn kórsetti.
Atalǵan faktilerge sáıkes, Tártiptik keńes sportshyny ómir boıyna jarystardan shettetý sheshimin qabyldady.
«Aýyr atletıka federatsııasy dopıngpen kúresýde túrli sharalar qabyldap jatyr. Faına mundaı zańsyzdyqqa úshinshi ret baryp otyr. Sondyqtan Halyqaralyq aýyr atletıka federatsııasy osyndaı qatal sharany qoldanyp otyr», - dedi QR Aýyr atletıka federatsııasynyń bas hatshysy Omar Mustafın.
