Dopıng qoldanǵan: Qazaqstandyq balýan 3 jylǵa sporttan shettetildi
ASTANA. KAZINFORM — Erkin kúresten Azııa chempıony, Azııa birinshiliginiń qola júldegeri, Qazaqstan chempıonatynyń eki dúrkin jeńimpazy Talǵat Syrbaz dopıng qoldanǵany úshin 3 jylǵa jarystan shettetildi.
Dopıngke qarsy ulttyq ortalyqtyń resmı saıty málim etkendeı, Talǵat Syrbazdyń synamasynan sportshylarǵa qoldanýǵa tyıym salynǵan drostanolon preparaty tabylǵan.
Endi ol 2024 jyldyń 30 sáýirinen 2027 jyldyń 30 sáýirine deıin jarystarǵa qatysa almaıdy.
Esterińizge sala keteıik, Talǵat Syrbaz respýblıkalyq kúres túrleri federatsııasynyń sheshimimen 9-12 mamyr aralyǵynda Túrkııa elinde ótken álemdik Olımpıadaǵa irikteý jarysyna qatysýǵa múmkindik alǵan bolatyn.
Alaıda, densaýlyǵyna baılanysty jarysqa qatysa almaǵan bolatyn.
Ol osyǵan deıin halyqaralyq jarystarda el namysyn 74 keli salmaqta qorǵan kelgen edi.
