Dopıng qoldanǵan Kamıla Valıeva úshin Reseı quramasy Olımpıadanyń altyn medalinen aıyrylady
ASTANA. KAZINFORM - Málimdemede Valıevanyń 2021 jylǵy 25 jeltoqsanda kórsetken óneriniń nátıjesi joıylatyny aıtylǵan.
CAS sport arbıtraj soty dopıngke qarsy erejeni buzǵany úshin reseılik mánerlep syrǵanaýshy Kamıla Valıevany tórt jylǵa sporttan shettetti.
Osy sheshim arqyly reseılikter 2022 jylǵy Olımpıadada mánerlep syrǵanaýdan komandalyq jarysta jeńip alǵan altyn medalinen aıyrylady.
Sol kezde ekinshi oryndy qanaǵat tutqan AQSh chempıon atanady.
«Valıeva hanym Búkilreseılik dopıngke qarsy erejeniń 4.1-babyn buzǵany anyqtaldy. Valıeva 2021 jylǵy 25 jeltoqsannan bastap tórt jyl jarysqa qatysa almaıdy. Valıevanyń 2021 jylǵy 25 jeltoqsandaǵy barlyq nátıjesi joıylady» delingen CAS málimdemesinde.
Taraptar 30 kún ishinde shekteýli negizde Shveıtsarııanyń federaldy sotyna shaǵymdana alady.
Degenmen soǵan qaramastan bul sheshim túpkilikti jáne mindetti sanalady.
Al Valıeva tarapy tek CAS tarapynan protsedýralyq kemshilik ketken jaǵdaıda apellıatsııa bere alady.
«Usynylǵan búkil dálelderdi muqııat qarastyra otyryp, CAS komıssııasy Valıeva dopıngti ádeıi qabyldamaǵanyn dáleldeı almady degen qorytyndyǵa keldi» delingen úkimde.
Іshinde Valıeva bar Reseı quramasy 2022 jyly Beıjiń Olımpıadasynda komandalyq jarysta altyn aldy.
Jeke týrnırge deıin jeltoqsan aıynda Reseı chempıonatynda alynǵan mánerlep syrǵanaýshynyń dopıng synamasynan tyıym salynǵan trımetazıdın preparaty tabylǵan.
Sodan keıin komandalyq jarysta medal tapsyrý rásimi keıinge qalǵan edi.
Halyqaralyq konkıshiler odaǵy (ISU) Valıevanyń dıskvalıfıkatsııasynan keıin Beıjińdegi komandalyq týrnır medaldarynyń taǵdyryn qaıta qaraıdy.
