Dopıng qabyldady dep aıyptalǵan Qazaqstannyń álem chempıony tolyǵymen aqtaldy
Dopıng qabyldady dep aıyptalǵan Qazaqstannyń jeńil atletıkadan alǵashqy álem chempıony Norý Djerýtonyń tolyǵymen aqtalǵany týraly sheshim shyqty, dep habarlaıdy Kazinform.
«Sizdermen tamasha jańalyqpen bóliskimiz keledi. 2023 jyldyń sáýirinde dopıng qoldandy dep aıyp taǵylyp, barlyq jarystardan shettetilgen klýbymyzdyń sportshysy Tanýı Nora Djerýtodan barlyq kúdik alyndy», - delingen Altay athletics klýbynyń áleýmettik jelidegi paraqshasynda.
Aıta keteıik, Nora Djerýto – jeńil atletıkadan 3000 metrge kedergiler arqyly júgirýden Qazaqstannyń alǵashqy álem chempıony. Ol jeke nátıje boıynsha 3000 metrge kedergiler arqyly júgirýden dúnıejúzinde úzdik úshtikte.
27 jastaǵy N.Djerýto Kenııa týmasy, Qazaqstan azamattyǵyn 2018 jyly alǵan. 2022 jyly álem chempıonatynda jeńiske jetti.
Jelaıaqqa dopıngke qatysty aıyp 2022 jyldyń sáýirinde taǵylǵan bolatyn.
Bıylǵy tamyz aıynda QR Mádenıet jáne sport vıtse-mınıstri Sársen Quranbek bul máselege qatysty Kazinform-ǵa suhbat berip: «Nora Djerýto syrqaty saldarynan týyndaǵan bıologııalyq pasportyndaǵy ózgeristerdi tolyq túsindiretin medıtsınalyq qujattar men qorytyndyny AIU komıssııasyna usyndy. AIU tergeýi áli aıaqtalǵan joq, qazirgi ýaqytta Nora Djerýtoǵa dopıng qoldaný týraly qorytyndy sheshim shyqpady», - dep málim etken edi.
