Dopıng erejesin buzǵan reseılik bıatlonshy Sochı olımpıadasyndaǵy altynynan aıyryldy
ANTHOLЬTs. TASS-QazAqparat – Reseılik bıatlonshy Evgenıı Ýstıýgov antıdopıng erejelerin buzdy dep aıyptalyp, 2014 jyly Sochı olımpıadasynda alǵan altyn medalinen aıyryldy. Bul týraly TASS agenttigine Reseı bıatlonshylar qoǵamyndaǵy derekkóz habarlaǵan.
Ýstıýgov tyıym salynǵan zatty (oksandrolon) paıdalanǵany úshin aıyptalyp otyr. 2013 jylǵy 27 tamyzdaǵy sportshynyń nátıjesi, barlyq medaldary men upaıy jáne syılyqtary dıskvalıfıkatsııalandy.
Kúshi joıylǵan nátıjeleriniń qatarynda Ýstıýgovtyń 2014 jylǵy Olımpıada oıyndarynda estafetadan alǵan altyn medali de bar.
Sondaı-aq senbi kúni Halyqaralyq bıatlonshylar odaǵy (IBU) Ýstıýgov pen Olımpıada chempıony Svetlana Sleptsovanyń ekijylǵa jarystan shettetilgenin rastady.
Ýstıýgov 2010 jylǵy Olımpıada oıyndarynyń mass-start boıynsha chempıony.
