Dopıng daýyna urynǵan Olımpıada júldegerlerinen páterler qaıtaryp alynbaıdy
«WADA (Dúnıejúzilik dopıngke qarsy agenttik) kodeksinde tyıym salynǵan preparattardy paıdalanǵan adam memlekettik qarjylandyrýdan, halyqaralyq jáne jergilikti federatsııalardyń qarjylandyrýynan tolyqtaı aıyrylatyndyǵyn jazylǵan. Ol qaraıtyn halyqaralyq federatsııaǵa biliktiliginen aıyrý engiziledi. Al bizde, eger sizderdi júldege berilgen páter qyzyqtyratyn bolsa, onda sportshylardan bul páterlerdi tartyp alý úshin eshqandaı zańnamalyq negiz joq. Sizderdiń ózderińizde búkil elmen 2008, 2012 jyldary olar úshin qýandyńyzdar ǵoı. Endi qıyn ýaqytta qoldaý bildireıik, mundaı saýaldar qoımaıyq», - dedi Musaıbekov BAQ ókilderiniń saýalyna oraı.
Sonymen qatar ol Rıo Olımpıadasynyń jeńimpazdaryna beriletin syıaqy men páterlerge qatysty tilshilerdiń saýalyna jaýap berdi.
«Olımpıada oıyndaryna qatysýshylardyń júldesine qatysty aıtar bolsam, olımpıadashylar syıaqylaryn alsa, kelesi aptanyń sońyna deıin paralımpıadashylar alady. «Dene tárbıesi jáne sport týraly» Zańǵa sáıkes memleketten páter alýy tıisti Olımpıada júldegerlerine júldelerin tabystaýǵa bizde jarty jyl ýaqyt bar», - dedi vıtse-mınıstr.
